傳說那抵「有涵」的雞蛋仔係緣於一間我以前常幫襯，位於太安樓的無名小檔。
有
一日，有個有點牌氣又有點大年紀的ＴＯＭ ＢＯＹ去了太安樓閒逛買了一底雞蛋仔食，驚現雞蛋仔竟然新奇「有涵」，仲把此事寫成文章登上了她在某報的飲食專
欄。然後果間小店就每天旁晚大排長龍，賣幾百底雞蛋仔。然後那底雞蛋仔不段加價由４蚊加到１１蚊。然後！我無再幫襯果間雞蛋仔檔了。
而我非常確定的是 果位小姐一定常幫襯偷工減料的雞蛋仔檔。
一件正常的雞蛋仔，一定有半粒係「有涵」的，外面一定係脆的，內面一定又係軟。至於點解有人成日食到空心雞蛋仔，係因為為了省蛋槳，少左分量的關係。
最近在荃新天地新開了一間專賣烘焙甜食的店舖───「古法烘焙」，簡直令我驚喜。
首當其衝被它吸引的是那像百年餅店翻新的新潮店面。
第二是它多樣口味選擇的雞蛋仔。不但只有原味，還有其他配搭。
留意！！他菜單所指的不是單純指雞蛋仔的口味那麼簡單，而是指有夾心！！！
試想就算北角雞蛋仔做雞蛋仔做到開分店仲要每底賣成15蚊的雞蛋仔都只不過係蛋漿調左味而多左幾款口味選擇，而貴兩蚊的佢竟然仲做到有夾心的雞蛋仔！！？你話驚唔驚喜！！
你仲唔買返底去試！！？
我一個唔該就衝左埋去買，買了我最愛的肉桂提子味，旋即有個疑似老闆娘物體好有禮貌咁收左我錢，仲即叫即做，包保新鮮抵食。
在雞蛋仔被烘焙期間，我細心留意左該店內的環境。
首先雖然另外兩位員工年紀甚輕，但都勤力有禮，非常加分。
然後留意到在爐前有張相片給予員工參考製成品圖片，示員工不要一時心急而壞了食品的質素。嘩，制作認真都咁我真係好想即場頒個獎比佢。
店面仲展示左句「古法雞蛋仔之定義」。
「外脆內軟
外是酥脆可口
而內則像蛋糕仔的鬆軟彈牙。」
認真十萬個認真。
不到數分鐘，雞蛋仔終於出爐了
雞蛋仔外型較平時所見略有不同，比較小亦比較圓。
但決勝負的果然是口感同味道。
其實我同果位小姐一樣都好鬼憎人講好有口感。
但這底雞蛋仔．．真的如古法所示 外脆內軟
比起那些街邊檔，不到一回就食到你成口蛋漿的不同。
提子肉桂亦不負我所望，成底雞蛋仔勁多提子乾，既香又有不同層次的口感。
提子干的煙韌、外皮的脆、內邊如蛋糕仔的鬆軟同蛋香。
嘩．．．
襯著熱哄哄來食更加好味。不到一分鐘，成底已被兩人消滅。
（襯仲剩幾粒 拿拿聲影底 差Ｄ連影都無得影）
雖然舊香港風味的炭爐雞蛋仔已經差不多絕跡，無左炭爐味，始終差點點。
但我支持活化再度生存的雞蛋仔=)
古法烘焙還有其他產品出售，包括鳳梨酥、曲奇、蛋卷等
本人還未試，要等各位試完分享囉＝）
古法烘焙
地址：荃灣楊屋道1號荃新天地G31號舖
營業時間：星期日至一 11am-10pm，星期五、六 11am-10:30pm
電話：6387 0874
外脆內軟
回覆刪除D涵味道自然
唔似人造味道
=D
回覆刪除